მ.წ.30 ოქტომბერს ევროპული მშვილდოსნობის ( World Archery Europ- WAE) უმაღლესი მმართველი ორგანოს, აღმასრულებელი საბჭოს (Executive Board) სხდომაზე(პილა-ლარნაკა, კვიპროსი), რომელსაც WAE-ს პრეზიდენტი ხაკან ჩაკიროგლუ უძღვებოდა, მოხსენება გააკეთა საქართველოს მშვილდოსნობის ეროვნული ფედერაციის გენერალურმა მდივანმა, დოქტორმა ბესიკ ობოლაძემ. მან ევროპული მშვილდოსნობის მმართველ ორგანოს დეტალურად გააცნო საქართველოს მშვილდოსნობის განვითარების 7 წლიანი სტრატეგია.მოხსენებაში აღინიშნა, რომ ახალი სტრატეგიის რეალიზაციის პროცესში ქართული მშვილდოსნობა გადის სპორტული მმართველობის ტრანსფორმაციულ ეტაპს-გადადის მტკიცებულებებზე დაფუძნებულ სამეცნიერო ჩარჩოზე, რომელიც სრულად შეესაბამება WA-ის სტანდარტებს. WAE-თან პარტნიორობის ფარგლებში ფედერაციის გენერალურმა მდივანმა წამოაყენა სტრატეგიული ინიციატივები:1) საქართველო პოზიციონირდეს, რიგორც სამხრეთ კავკასიისა და შავი ზღვის რეგიონის ერთ- ერთი ცენტრალური ჰაბი მშვილდოსნობაში; 2) ევროპული ტურნირების მასპინძლობა-დაფიქსირდა რომ კი საქართველო ოფიციალურად გამოხატავს მზადყოფნას, შეიტანოს განაცხადი ევროპის ახალგაზრდული თასისა და ევროპის გრან-პრის ეტაპების ბათუმსა და თბილის ჩასატარებლად;3) WAE-ის რეგიონალური საგანმანათლებლო ცენტრი: გაკეთდა შეთავაზება WAE-ის ეგიდით საქართველოში დაფუძნდეს რეგიონალური საგანმანათლებლო ცენტრი, სადაც ჩატარდება საერთაშორისო ლიცენზირებული კურსები მწვრთნელებისა მსაჯებისათვის.4) ერთობლივი საწვრთნო შეკრებები: საქართველო იწვევს ევროპულ ფედერაციებს ერთობლივი წინასაშეჯიბრო შეკრებების ჩასატარებლად, რაც ხელს შეუწყობს გამიცდილების გაზიარებასა და მაღალი დონის სპარინგ პრაქტიკას.ევროპული მშვილდოსნობის მმართველი ორგანოსა და მისი პრეზიდენტის მხრიდან დადებითად შეფასდა საქართველის მშვილდოსნობის განვითარების 7 წლიან  სტრატეგიაში ჩამოყალიბებული მისია და ხედვა.აღინიშნა, რომ ევროპული მშვილდოსნობის მმართველი ორგანოს მხრიდან განხილულ იქნება  საქართველის ნშვილდოსნობის სტრატეგიული ინიციატივები  WAE- თან სტრატეგიული პარტნიორობის შესახებ.

მსოაფლიო მშვილდოსნობა ევროპის აღმასრულებელი გამგეობის წევრები:

1. ხაკან ჩაკიროგლუ (თურქეთი) -პრზიდენტი (თავმჯდომარე)
2. იორგ ბროკამპი (გერმანია)-ვიცე - პრეზიდენტი (წევრი)
3. არნოუდ სტრუბისი  (ჰოლანდია)- წევრი
4. რიფაატ ჩაბოუკი (ესპანეთი)-წევრი
5. ჰილდა გიბსონი (დიდი ბრიტანეთი) - წევრი
6. დარკო ვიდლი (ხორვატია)-წევრი
7. ვიქტორია კოვალი (უკრაინა)- წევრი
8. მარია შალაბი (სლოვენია)-წევრი
9. ევა კატრინ ტესენი (ნორვეგია)- გენერალური მდივანი
10. ბატუჰან იასარი (თურქეთი) - გენერალური მდივნის მოადგილე

სხდომაში მონაწილეობდა აღმასრულებელი მენეჯერი - არტემ სანიშვილი

იხილეთ ვიდეო: https://www.youtube.com/watch?v=RNUbsCRs1rk

 მ.წ. 28- 30 ოქტომბერს კვიპროსში(პილა) გაიმართა ,,ხმელთაშუაზღვის აფროდიტეს თასის მე- 10 საიუბილეო ტურნირი, რომელიც განსაკუთრებით წარმატებული აღმოჩნდა ქართველი სპორტსმენებისთვის:

U21 ირაკლი ოთიაშვილი - ოქრო,

ქალთა გუნდი: სალომე ხარშილაძე, ციკო ფუტკარაძე, ირა არჯევანიძე - ოქრო,

შერეული წყვილი: ანრი ბასილაძე, სალომე ხარშილაძე - ვერცხლი,

ინდივიდუალური:

სალომე ხარშილაძე - ვერცხლი,

ციკო ფუტკარაძე - ბრინჯაო.

კომპაუნდი: ჯაბა მოსეშვილი- ვერცხლი.

მწვრთნელები: თამაზ ფუტკარაძე, გურამ ბასილაძე, გიორგი გორდეზიანი.

შეჯიბრებაში მონაწილეობა მიიღო 12 ქვეყნის  210 სპორტსმენმა.

საქართველოს მშვილდოსნობის ფედერაცია ულოცავს ქართველ სპორტსმენებს საერთაშორისო ტურნირზე წარმატებას

ვიდეოკლიპი სამეცნიერო-საწვრთნელი შეკრების შესახებ იხილეთ აქ

საქართველოს მშვილდოსნობის ფედერაციის გენერალური მდივანი ბესიკ ობოლაძე აღმასრულებელ მენეჯერ არტემ სანიშვილთან ერთად ოფიციალური ვიზიტით იმყოფება კვიპროსში. ვიზიტის მთავარი  მიზანია ევროპული მშვილდოსნობის აღმასრულებელი ორგანოს სხდომაში მონაწილეობა, სადაც დაგეგმილია საქართველოს მშვილდოსნობის ფედერაციის პოზიციებისა და სამომავლო პოზიციების წარდგენა.

ოფიციალური ვიზიტის ფარგლებში მ.წ. 27 ოქტომბერს კვიპროსის მშვილდოსნობის ფედერაციის პრეზიდენტ ანდრეას თეოფილაკტუსთან გაიმართა ორმხრივი სამუშაო შეხვედრა. მხარეებმა დეტალურად განიხილეს ორ ქვეყანას შორის სპორტული თანამშრომლობის ( მშვილდოსნობა) პერსპექტივები: ერთობლივი საწვრთნო ბანაკების ორგანიზების შესაძლებლობები და გამოცდილების  გაზიარება მაღალი მიღწევების სპორტისა და ახალგაზრდა რეზერვების მომზადების მიმართულებით.

შეხვედრაზე ხაზი გაესვა საერთაშორისო პარტნიორობის გაღრმავების მნიშვნელობას და შეთანხმდა სამომავლი თანამშრომლობის ნაბიჯები, რაც ხელს შეუწყობს ორივე ქვეყანაში მშვილდოსნობის სპორტის შემდგომ განვითარებას. ვიზიტი გრძელდება

Besik Oboladze, Secretary General of the Georgian Archery Federation, together with Executive Manager Artem Sanishvili, is currently on an official visit to Cyprus. The primary objective of the visit is to participate in the Executive Board meeting of World Archery Europe (European Archery Federation), where the presentation of the Georgian Archery Federation's current standing and future strategic perspectives is scheduled.

As part of the official visit, a bilateral working meeting was held on October 27 with the Andreas Theofylaktou, President of the Cyprus Archery Federation. The parties discussed in detail the prospects for sports cooperation between the two countries in archery, including opportunities for organizing joint training camps and sharing expertise in high-performance sports and young reserve development.

During the meeting, both sides emphasized the importance of deepening international partnerships and agreed on future collaborative steps to further promote the development of archery in both nations. The visit remains ongoing

საქართველოს ეროვნულ ოლიმპიურ კომიტეტში სპორტსმენთა ფიცის დადებისა და გაცილების ცერემონია გაიმართა. ახალგაზრდული ოლიმპიური თამაშები 31 ოქტომბრიდან 13 ნოემბრის ჩათვლით სენეგალის დედაქალაქ დაკარში გაიმართება.

მშვილდოსნობაში საქართველოს სახელით იასპარეზებს:

• დავით ბასილაძე (სპორტსმენი)

• ჰიუნგსეუნგ ანი (მწვრთნელი)

წარმატებები ვუსურვოთ ჩვენს სპორტსმენს ამ დიდ საერთაშორისო ასპარეზზე!

კლასიკური მშვილდი, ჭაბუკები — ახალგაზრდული ოლიმპიადა

პროფესორი ჰაირი ერთიანი - საქართველოს მშვილდოსნობის ფედერაციის სამეცნიერო - მეთოდოლოგიური საბჭოს თავმჯდომარე ლოზანაში*(შვეიცარია), მსოფლიო მშვილდოსნობის განვითარებისა და განათლების დეპარტამენტის ბაზაზე მწვრთნელთა გადამზადების კურსს წაიკითხავს

ცენტრის ოფიციალური ინფო შეგიძლიათ იხილოთ: https://www.instagram.com/p/DecL0DmCC5m/?img_index=2&cplk=NDE1azc3ZTlucjA5

ჩამოტვირთვა

საქართველოს მშვილდოსნობის ეროვნული ფედერაცია ულოცავს ჩვენს მწვრთნელს, იამზე ტალახაძეს, შვეიცარიის ქალაქ ლოზანაში საერთაშორისო სამწვრთნელო პროგრამის — Coach Accelerator Entry-Level (L1) / ოლიმპიური სოლიდარობა — წარმატებით დასრულებასა და შესაბამისი ოფიციალური სერტიფიკატის მოპოვებას!

შეგახსენებთ, რომ რამდენიმე დღის წინ ლოზანაში World Archery Level 1 Coaching Course-ი ასევე უმაღლესი შედეგებით დაასრულა მწვრთნელმა ბექა გუგეშაშვილმა. ამრიგად, ორივე ქართველმა სპეციალისტმა კარგად  წარმოაჩინა ქართული მშვილდოსნობა საერთაშორისო ასპარეზზე.

სასწავლო პროგრამები მოიცავდა თანამედროვე სამწვრთნელო მეთოდოლოგიის, სპორტული ბიომექანიკისა და ახალგაზრდა სპორტსმენთა მომზადების საერთაშორისო სტანდარტების სიღრმისეულ ათვისებას.

ეროვნული სამწვრთნელო კადრების კვალიფიკაციის ამაღლება და სისტემური გადამზადება პირდაპირ პასუხობს საქართველოს მშვილდოსნობის ეროვნული ფედერაციის 7-წლიან განვითარების სტრატეგიას (2025–2032), რომელიც მიმდინარე წლის 1 მარტს იქნა დამტკიცებული. აღნიშნული საერთაშორისო ვიზიტი მომზადდა მიმდინარე წლის ზაფხულში, ლოზანაში ფედერაციის ხელმძღვანელობის სამუშაო ვიზიტისა და მსოფლიო მშვილდოსნობის მესვეურებთან მიღწეული შეთანხმებების საფუძველზე.

საქართველოს მშვილდოსნობის ეროვნული ფედერაცია განსაკუთრებულ მადლიერებას გამოხატავს მსოფლიო მშვილდოსნობის  (World Archery) განვითარებისა და განათლების დეპარტამენტისა და მისი ხელმძღვანელობის მიმართ — ქართველი სპეციალისტებისა და სპორტსმენების პროფესიული ზრდისთვის შექმნილი შესაძლებლობებისთვის, მუდმივი მხარდაჭერისა და მჭიდრო პარტნიორობისთვის.

მშვილდოსნობის ეროვნული ფედერაცია დიდ წარმატებებსა და ნაყოფიერ პროფესიულ საქმიანობას უსურვებს იამზე ტალახაძესა და ბექა გუგეშაშვილს. მათ მიერ მიღებული ცოდნა და საერთაშორისო გამოცდილება მნიშვნელოვან წვლილს შეიტანს ქართველი მშვილდოსნების ახალი თაობების აღზრდასა და ჩვენი სპორტის შემდგომ განვითარებაში.

საქართველოს მშვილდოსნობის ეროვნული ფედერაცია

საზოგადოებასთან ურთიერთობის სამსახური

დებულების ნახვა

დებულების ნახვა

მიმდინარე წლის 6-10 ოქტომბერს, ტაჯიკეთის ქალაქ ხუჯანდში გაიმართა საერთაშორისო ტურნირი მშვილდოსნობაში ტაჯიკეთის რესპუბლიკის პრეზიდენტის თასზე. პრესტიჟულ შეჯიბრებაში მსოფლიოს 9 ქვეყნის 96 სპორტსმენი მონაწილეობდა.

მაღალი კონკურენციის ფონზე წარმატებით იასპარეზეს საქართველოდან, კერძოდ აჭარიდან წარდგენილმა მშვილდოსნებმა, მათ შორის ხელვაჩაურის სპორტული სკოლის წარმომადგენლებმა.

განსაკუთრებით აღსანიშნავია ციკო ფუტკარაძის ბრწყინვალე გამოსვლა. მან უაღრესად დაძაბულ ბრძოლაში საპრიზო მეორე ადგილი დაიკავა და ტურნირიდან ვერცხლის მედალი მოიპოვა!

საქართველოს მშვილდოსნობის ეროვნული ფედერაციის ადმინისტრაციის მილოცვა:

„საქართველოს მშვილდოსნობის ეროვნული ფედერაციის ადმინისტრაცია გულითადად ულოცავს ციკო ფუტკარაძეს, მის მწვრთნელებსა და ხელვაჩაურის სპორტულ სკოლას ამ მნიშვნელოვან საერთაშორისო წარმატებას!

საერთაშორისო ასპარეზზე მოპოვებული თითოეული მედალი ჩვენი მშვილდოსნობის განვითარებისა და პოპულარიზაციის გზაზე გადადგმული კიდევ ერთი დიდი ნაბიჯია. ვამაყობთ ჩვენი სპორტსმენების მიღწევებით და ვუსურვებთ მათ ახალ-ახალ მწვერვალებსა და გამარჯვებებს მომავალ ტურნირებზე!“

On October 6–10 of this year, the International Archery Tournament for the Cup of the President of the Republic of Tajikistan was held in Khujand, Tajikistan. A total of 96 athletes from 9 countries around the world participated in this prestigious competition.

Amid high-level competition, archers representing Georgia—specifically from Adjara, including representatives of the Khelvachauri Sports School—performed with great success.

Particularly noteworthy was the brilliant performance of Tsiko Putkaradze. In a highly competitive contest, she secured a commendable second place and brought home the silver medal!

Congratulations from the Administration of the Georgian National Archery Federation:

“The Administration of the Georgian National Archery Federation warmly congratulates Tsiko Putkaradze, her coaches, and the Khelvachauri Sports School on this significant international achievement!

Every medal won on the international stage represents another great step forward in the development and promotion of our archery. We are immensely proud of our athletes’ accomplishments and wish them new heights and victories in upcoming tournaments!”

სტატია ნათარგმნია ესქიშეჰირის ტექნიკური უნივერსიტეტის ოფიციალური ვებ გვერდიდან, ლინკი იხილეთ ქვემოთ.

საქართველოს მშვილდოსან ახალგაზრდა ქალთა ეროვნული ნაკრების წევრები ესქიშეჰირის ტექნიკური უნივერსიტეტის (ESTÜ) პროტოტიპირების ცენტრს ეწვივნენ და მონაწილეობა მიიღეს სამეცნიერო გაზომვებსა და შედეგების ანალიზში, რომლებიც ცენტრის მოწინავე ტექნოლოგიური ინფრასტრუქტურის გამოყენებით განხორციელდა.

ვიზიტის ფარგლებში სპორტსმენების მიერ ნასროლი ისრები მაღალსიჩქარიანი კამერებით დაფიქსირდა, რამაც ისრის ფრენის დინამიკისა და გასროლის მომენტში მისი ქცევის დეტალური შესწავლის საშუალება შექმნა. გარდა ამისა, პროტოტიპირების ცენტრის მოძრაობის აღმბეჭდ (Motion Capture) სტუდიაში ჩატარდა კვლევები სპორტსმენთა სროლის ტექნიკისა და სხეულის მოძრაობის გასაანალიზებლად.

კვლევებში, სადაც ერთდროულად გამოიყენებოდა მაღალსიჩქარიანი ვიდეოგადაღებისა და მოძრაობის აღბეჭდვის ტექნოლოგიები, მოპოვებულ იქნა მონაცემები, რომლებიც სპორტსმენთა ტექნიკური შედეგების მეცნიერული მეთოდებით შეფასების შესაძლებლობას იძლევა. ჩატარებულმა ანალიზებმა ნათლად აჩვენა საინჟინრო ტექნოლოგიების როლი სპორტული შედეგების შეფასებაში და მათი წვლილი ინტერდისციპლინურ კვლევებში.

ესქიშეჰირის ტექნიკური უნივერსიტეტის პროტოტიპირების ცენტრი, თავისი მაღალტექნოლოგიური ინფრასტრუქტურითა და საინჟინრო შესაძლებლობებით, განაგრძობს წვლილის შეტანას კვლევით, განვითარებისა და პრაქტიკულ საქმიანობებში სხვადასხვა დისციპლინაში, განსაკუთრებით კი სპორტის მეცნიერებების მიმართულებით.

ორიგინალი სტატია შეგიძლიათ ნახოთ: https://www.eskisehir.edu.tr/tr/Haber/Detay/gurcistan-genc-kadin-okculuk-milli-takimi-sporcularinin-performanslari-estu-prototip-merkezinde-analiz-edildi?fbclid=Iwb21leAU65QdjbGNrBTrk7mV4dG4DYWVtAjExAHBkb2YFc3J0YwZhcHBfaWQMMzUwNjg1NTMxNzI4AAEet850Vc0DuV_5Lob2XwcE_tH0Z7QO3Rk-EpX7YvcZiaTzQQzPaXIrLdfNI7A_aem_uVC9jdVZAdWONi7_JrgIhw

საქართველოს მშვილდოსნობის ეროვნული ფედერაცია ულოცავს ჩვენს მწვრთნელს, ბექა გუგეშაშვილს, შვეიცარიის ქალაქ ლოზანაში გამართული საერთაშორისო სამწვრთნელო პროგრამის წარმატებით დასრულებასა და ოფიციალური სერთიფიკატის მოპოვებას!

ბექა გუგეშაშვილმა მშვილდოსნობის მსოფლიო ფედერაციის (World Archery) განვითარებისა და განათლების დეპარტამენტის ეგიდით ჩატარებული World Archery Level 1 Coaching Course-ი უმაღლესი ქულებით გაიარა, რითაც კიდევ ერთხელ ასახელა ჩვენი ფედერაცია და ქართული მშვილდოსნობა.

აღნიშნული სასწავლო პროგრამა მოიცავდა თანამედროვე სამწვრთნელო მეთოდოლოგიის, სპორტული ბიომექანიკისა და ახალგაზრდა სპორტსმენთა მომზადების საერთაშორისო სტანდარტების სიღრმისეულ ათვისებას.

ეროვნული სამწვრთნელო კადრების კვალიფიკაციის ამაღლება და სისტემური გადამზადება პირდაპირ პასუხობს საქართველოს მშვილდოსნობის ეროვნული ფედერაციის 7-წლიან განვითარების სტრატეგიას (2025–2032), რომელიც მიმდინარე წლის 1 მარტს იქნა დამტკიცებული.

საქართველოს მშვილდოსნობის ეროვნული ფედერაცია  მადლიერებას გამოხატავს მსოფლიო მშვილდოსნობის (World Archery) განვითარებისა და განათლების დეპარტამენტისა და მისი ხელმძღვანელობის მიმართ — ჩვენი ფედერაციისა და ქართული მშვილდოსნობის განვითარებისადმი გაწეული მუდმივი მხარდაჭერისთვის, პარტნიორობისა და იმ შესაძლებლობებისთვის, რომლებსაც ისინი ქართველი სპეციალისტებისა და სპორტსმენების პროფესიული ზრდისთვის ქმნიან.

მშვილდოსნობის ეროვნული ფედერაცია დიდ წარმატებებსა და ნაყოფიერ პროფესიულ საქმიანობას უსურვებს ბექა გუგეშაშვილს. მიღებული ცოდნა და საერთაშორისო გამოცდილება მნიშვნელოვან წვლილს შეიტანს ქართველი მშვილდოსნების ახალი თაობების აღზრდასა და ჩვენი სპორტის შემდგომ განვითარებაში.

(შენიშვნა: სასწავლო პროგრამის მეორე მონაწილის, იამზე ტალახაძის ვიზიტისა და შედეგების შესახებ ინფორმაციას ფედერაციის ოფიციალურ გვერდზე ცოტა მოგვიანებით, მისი დაბრუნებისთანავე შემოგთავაზებთ).

საქართველოს მშვილდოსნობის ეროვნული ფედერაცია

საზოგადოებასთან ურთიერთობის სამსახური

The Georgian National Archery Federation congratulates our coach, Beka Gugeshashvili, on successfully completing the international coaching program held in Lausanne, Switzerland, and earning his official certification!

Beka Gugeshashvili completed the World Archery Level 1 Coaching Course, organized under the auspices of the World Archery Development and Education Department, with top marks—once again bringing honor to our Federation and Georgian archery.

The training program encompassed an in-depth study of modern coaching methodology, sports biomechanics, and international standards for training young athletes.

Enhancing the qualifications of national coaching personnel and their systematic retraining directly aligns with the 7-Year Development Strategy (2025–2032) of the Georgian National Archery Federation, which was approved on March 1 of this year.

The Georgian National Archery Federation expresses its gratitude to the World Archery Development and Education Department and its leadership for their continuous support, partnership, and the invaluable opportunities they provide for the professional growth of Georgian specialists and athletes.

The National Archery Federation wishes Beka Gugeshashvili great success and a fruitful professional career. The acquired knowledge and international experience will make a significant contribution to nurturing new generations of Georgian archers and further advancing our sport.

(Note: Information regarding the visit and results of the second participant of the training program, Iamze Talakhadze, will be published on the official page of the Federation shortly, upon her return).

Georgian National Archery Federation

Public Relations Office

The Georgian National Archery Federation is carrying out another important stage within the framework of the project “Olympic Reserve – Road to 2032”.

Today, October 11, four young talents aged 12–14 arrived in Turkey, accompanied by coaches Aleksandre Mezhevidze and Manana Tskhvariashvili. The delegation is led by Artem Sanishvili.

Starting tomorrow, comprehensive sports and medical diagnostics, as well as specialized training preparations for the athletes, will officially begin at the sports sciences faculty base of Eskişehir Technical University (ESTÜ).

Strategic Importance and Scientific Support

This initiative represents a key direction of Goal 6 (“High-Performance Sport”) among the 12 goals of the 7-Year Development Strategy of Georgian Archery (approved on March 1, 2026).

The project is implemented with the support of the Sport, Youth and Tourism Foundation.

• Scientific and Sports Diagnostics: During the visit, young archers will benefit from state-of-the-art infrastructure and the assistance of leading sports science specialists. An in-depth, comprehensive assessment and refinement of their physical, technical, and psychological preparedness will be conducted.

• International Partnership: The chief coordinator and director of the process on-site is the renowned Professor Hayri Ertan from Eskişehir Technical University.

Final Stage of the Visit — International Tournament

Following the completion of the intensive training and scientific diagnostic course in Eskişehir, the Georgian athletes will travel to Turkey's capital, Ankara, for the final stage of the visit, where they will test their skills at an international tournament.

The Georgian National Archery Federation wishes success to the young athletes and members of the delegation in this important mission!

თბილისი, საქართველო — სპორტისა და ახალგაზრდობის ფონდში გაიმართა ოფიციალური შეხვედრა პროექტ „ოლიმპიური რეზერვი - გზა 2032“-ის მონაწილე ახალგაზრდა სპორტსმენებთან და მათ მწვრთნელებთან.

აღნიშნული ინიციატივა წარმოადგენს საქართველოს მშვილდოსნობის განვითარების 7-წლიანი სტრატეგიის (დამტკიცებული 2026 წლის 1 მარტს) 12 მიზნიდან ერთ-ერთის  (მე-6 მიზანი) — „მაღალი მიღწევების სპორტი“ — ერთ-ერთ საკვანძო მიმართულებას.

ღონისძიების მთავარ მოვლენას წარმოადგენდა გენერალური სპონსორობის ხელშეკრულების გაფორმება, რომელსაც ხელი მოაწერეს სპორტისა და ახალგაზრდობის ფონდის აღმასრულებელმა დირექტორმა, თორნიკე ხვთისიაშვილმა და საქართველოს მშვილდოსნობის ეროვნული ფედერაციის გენერალურმა მდივანმა, ბესიკ ობოლაძემ.

პროექტისა და ვიზიტის დეტალები

სპორტისა და ახალგაზრდობის ფონდის მხარდაჭერით, პროექტის ფარგლებში 4 ახალგაზრდა ტალანტი (12–14 წლის) სასწავლო-საწვრთნო მივლინებით გაემგზავრება თურქეთში, ესკიშეჰირის ტექნიკური უნივერსიტეტის სპორტულ ფაკულტეტზე.

• სამეცნიერო და სპორტული მხარდაჭერა: ახალგაზრდა მშვილდოსნები ისარგებლებენ თანამედროვე სპორტული ინფრასტრუქტურითა  და სპორტის მეცნიერების წამყვანი სპეციალისტების დახმარებით, რაც უზრუნველყოფს მათი ფიზიკური, ტექნიკური და ფსიქოლოგიური მზადყოფნის კომპლექსურ შეფასებასა და დახვეწას.

• საერთაშორისო ტურნირი: ვიზიტის დასკვნით ეტაპზე სპორტსმენები თურქეთის დედაქალაქ ანკარაში გამართულ საერთაშორისო ტურნირში მიიღებენ მონაწილეობას.

ოფიციალური პირების ჩართულობა

ღონისძიებას ესწრებოდნენ და დამსწრე საზოგადოებას სიტყვით მიმართეს:

• სიმონ ნოზაძე — საქართველოს მშვილდოსნობის ეროვნული ფედერაციის პრეზიდენტი;

• ხათუნა ნარიმანიძე — ფედერაციის ვიცე-პრეზიდენტი;

• არტემ სანიშვილი — ფედერაციის აღმასრულებელი მენეჯერი.

ღონისძიებას თურქეთიდან ონლაინ ფორმატში დისტანციურად შეუერთდა ესკიშეჰირის ტექნიკური უნივერსიტეტის პროფესორი ჰაირი ერტანი (Hayri Ertan), რომელიც ადგილზე პროექტის მთავარი კოორდინატორი და წარმმართველია.

დღევანდელი ღონისძიების  ორგანიზაციული უზრუნველყოფა ფედერაციიდან გააკეთა ფედერაციის ოფისის უფროსის მოვალეობის შემსრულებელმა ,სალომე გორგოძემ

პრეზენტაციას ასევე ესწრებოდნენ ნაკრების მწვრთნელები ალექსანდრე მეჟევიძე და მანანა ცხვარიაშვილი. პროექტის სპორტული ნაწილის ხელმძღვანელმა, ალექსანდრე მეჟევიძემ, საზოგადოებას დეტალურად წარუდგინა მონაწილე სპორტსმენები, მათი მიღწევები და პროექტის განვითარების სტრატეგიული ხედვა.

საქართველოს მშვილდოსნობის ეროვნული ფედერაცია ღრმა მადლიერებას გამოხატავს სპორტისა და ახალგაზრდობის ფონდის მიმართ მჭიდრო პარტნიორობისა და ქართული მშვილდოსნობის მომავალი თაობის მხარდაჭერისთვის.

ყველა წევრ კლუბს, მწვრთნელსა და სპორტსმენს
თემა: ეროვნული სასროლეთით (ბაზით) სარგებლობის, ინვენტარის მართვისა და
შინაგანაწესის დაცვის გარდამავალი რეგულაციების შესახებ
საქართველოს მშვილდოსნობის ეროვნული ფედერაციის განვითარების 7-წლიანი
სტრატეგიის ფარგლებში, 2026 წლიდან იწყება კლუბური სპორტის მხარდაჭერისა და
ფედერაციის მატერიალურ-ტექნიკური ბაზის მართვის ფუნდამენტური რეფორმა.
ფედერაციის დაკვირვებითა და შიდა აუდიტის მონაცემებით, ბოლო პერიოდში
ადგილი აქვს ეროვნულ სასროლეთზე (ბაზაზე) შინაგანაწესის, სანიტარიულ-
ჰიგიენური ნორმებისა და უსაფრთხოების წესების სისტემატურ დარღვევას, აგრეთვე
ფედერაციის კუთვნილი ინვენტარისა და ინფრასტრუქტურის უდიერ/ვანდალურ
ექსპლუატაციას.
აღნიშნულიდან გამომდინარე, გაუწყებთ შემდეგს:
1. „ნულოვანი ტოლერანტობა“ უწესრიგობასა და
უპასუხისმგებლობაზე: ეროვნული ბაზა წარმოადგენს სახელმწიფო/საფედერაციო
საკუთრებას და მასზე სარგებლობა არის პრივილეგია, რომელიც მოითხოვს მაღალ
სპორტულ დისციპლინას, ჰიგიენისა და უსაფრთხოების წესების უპირობო
დაცვას.
2. მწვრთნელის პასუხისმგებლობა: უმწვრთნელოდ ან პასუხისმგებელი პირის
გარეშე სასროლეთზე ვარჯიში, ქცევისა და სანიტარიული ნორმების დარღვევა
გამოიწვევს როგორც სპორტსმენის, ისე მისი პირადი მწვრთნელისა და შესაბამისი
კლუბის მიმართ დისციპლინურ და მატერიალურ სანქციებს.
3. სამართლებრივი მოწესრიგების გარდამავალი ეტაპი:
o ყველა კლუბთან და სპორტსმენთან უახლოეს პერიოდში გაფორმდება
დროებითი სარგებლობისა და მატერიალური პასუხისმგებლობის ორმხრივი
ხელშეკრულებები (KPI-ზე დაფუძნებული მოდელით).
o პირობა: ხელშეკრულებისა და შესაბამისი აკრედიტაციის/რეგისტრაციის გარეშე,
არცერთ პირს ან კლუბს არ ექნება უფლება ისარგებლოს ეროვნული ბაზითა და
ფედერაციის კუთვნილი ინვენტარით.

მოუწოდებთ ყველა კლუბის ხელმძღვანელსა და მწვრთნელს, უზრუნველყონ
თავიანთი სპორტსმენების ინფორმირება და დისციპლინის სრული დაცვა.
საქართველოს მშვილდოსნობის ეროვნული ფედერაცია
თარიღი:19 სექტემბერი  2026 წელი

გულწრფელად ვულოცავთ საქართველოს მშვილდოსნობის ეროვნული ფედერაციის პრეზიდენტს, ბატონ სიმონ ნოზაძეს, „ხაშურის საპატიო მოქალაქის“ წოდების მინიჭებას!

გუშინ 26 სექტემბერს გამართულ სახალხო დღესასწაულ „ხაშურობაზე“, მიენიჭა მას ხაშურის საპატიო მოქალაქის წოდება'

ეს აღიარება არის მისი მრავალწლიანი ნაყოფიერი საქმიანობის, მშობლიური კუთხისა და ქვეყნის წინაშე გაწეული ღვაწლის ლოგიკური დასტური.

ბატონ სიმონს ვუსურვებთ ჯანმრთელობას, მხნეობას და ახალ წარმატებებს როგორც საზოგადოებრივ საქმიანობაში, ისე ქართული მშვილდოსნობის განვითარებისა და გაძლიერების საქმეში! 🏆🇬🇪

ჩემი წიგნის — „მშვილდოსნობის დიდი წიგნი“ (THE BIG BOOK OF ARCHERY) პრეზენტაცია: სახელმძღვანელო ყველა დონის მშვილდოსნისთვის — დამწყებებიდან მაღალი კლასის სპორტსმენებსა და მათ მწვრთნელებამდე, მშვილდის ყველა კლასისა და დისციპლინისთვის. 1000-ზე მეტი სავარჯიშო სროლის ტექნიკისა და მენტალური უნარების გასავითარებლად. ათასობით ტაქტიკური რჩევა ვარჯიშისა და შეჯიბრებისთვის, მათ შორის: საწვრთნელი პროცესის დაგეგმვა, შედეგიანობის შემოწმება, შეჯიბრებისთვის მზადება, ქოუჩინგი, აღჭურვილობის ზუსტი გასწორება (fine-tuning) და სხვა (იხილეთ დეტალური სარჩევი). ფორმატი A4, 568 გვერდი, დაახლოებით 900 ილუსტრაცია, მცირე ზომის შრიფტი (ხელნაწერი მოიცავს 1400 გვერდს).

ქალბატონო/ბატონო,

ჩემი სახელია ურტე პაულუსი (მშვილდოსნობის მაგისტრი / M.Sc.).

25 წელზე მეტია, რაც მთელი ვნებით ვარ დაკავებული მშვილდოსნობით — როგორც მშვილდოსანი, მწვრთნელი და მწვრთნელთა ინსტრუქტორი.

როგორც მსოფლიო მშვილდოსნობის ფედერაციის (World Archery) მასტერ-ქოუჩ-ინსტრუქტორმა, III დონის სერტიფიცირებულმა მწვრთნელმა (ავსტრიის ნაკრების მთავარი მწვრთნელი 3D მშვილდოსნობაში 2009-2011 წლებში), სერტიფიცირებულმა სპორტულმა მენტალ-ქოუჩმა და ევროპისა თუ მსოფლიოს მრავალგზის ჩემპიონმა ტრადიციული მშვილდით (Longbow) სროლაში, დავაგროვე დიდი გამოცდილება როგორც პროფესიულ, ისე მოყვარულთა მშვილდოსნობაში, მშვილდის ყველა კლასსა და დისციპლინაში.

ეს ცოდნა გავაერთიანე ჩემს წიგნში — „მშვილდოსნობის დიდი წიგნი“ (THE BIG BOOK OF ARCHERY), რათა ნებისმიერი მომზადების დონის მშვილდოსნებსა და მწვრთნელებს მივაწოდო პრაქტიკული და სამეცნიერო-თეორიულად დასაბუთებული სახელმძღვანელო.

ჩემი პრინციპია:

„ის, ვინც თავიდანვე სწავლობს ჯანსაღ, ენერგოეფექტურ, მარტივ და ადვილად გამეორებად სროლის ტექნიკას, უფრო მეტ სიამოვნებას მიიღებს მშვილდოსნობით და თავიდანვე მიაღწევს სამიზნეში მოხვედრის უფრო სტაბილურ მაჩვენებელს.“

568-გვერდიანი წიგნი აღწერს მკაფიოდ სტრუქტურირებულ სტანდარტულ სროლის მიმდევრობას (shooting sequence), რომელიც გამოსადეგია მშვილდის ყველა კლასისთვის. გარდა ამისა, იგი შეიცავს 1,000-ზე მეტ სავარჯიშოს სროლის ტექნიკის შესასწავლად, შესაცვლელად და გასამტკიცებლად, ასევე მენტალური სიმტკიცის, გამძლეობის, კოორდინაციისა და ადაპტაციის უნარის გასავითარებლად.

წიგნს ავსებს მრავალი გამოცდილი ტაქტიკური რჩევა ვარჯიშის, შეჯიბრების, ქოუჩინგისა და აღჭურვილობის პარამეტრების ოპტიმიზაციისთვის. სპეციალური თავი, რომელიც ეძღვნება „პირველად დახმარებას“, მკითხველს ეხმარება იმ ტიპური პრობლემების იდენტიფიცირებასა და აღმოფხვრაში, რომლებიც შეიძლება წარმოიშვას სროლისას ან სამიზნეში მოხვედრის სურათის ანალიზისას.

წიგნი განკუთვნილია მშვილდოსნებისა და მწვრთნელებისთვის მშვილდის ყველა კლასში, დისციპლინასა და მომზადების დონეზე. მშვილდოსნობის მოყვარულები, რომლებსაც არ აქვთ მუდმივი წვდომა პროფესიონალურ ხელმძღვანელობასთან, წიგნში იპოვიან მრავალ შეთავაზებასა და აპრობირებულ მეთოდს ტექნიკის გასაუმჯობესებლად.

ძალიან მოხარული ვიქნები, თუ „მშვილდოსნობის დიდი წიგნი“ ხელმისაწვდომი გახდება თქვენი ასოციაციის/ფედერაციის წევრებისა და მწვრთნელებისთვის, როგორც ღირებული ინფორმაციის წყარო. გერმანულენოვანი გამოცემა, რომელიც 2019 წელს დაიბეჭდა, უკვე გაიყიდა დაახლოებით 4,000 ეგზემპლარის ოდენობით.

გთავაზობთ ორ ბმულს ვიდეოებზე, რომლებიც წარმოდგენას შეგიქმნით წიგნის გარეგნულ და შიდა დიზაინზე:

• ინგლისური გამოცემა: https://www.youtube.com/shorts/Y5d1JBY61pA

• გერმანული გამოცემა: https://www.youtube.com/watch?v=gPfHGdyNzW4

წერილს თან ვურთავ რამდენიმე ამონარიდს და დეტალურ სარჩევს. „მშვილდოსნობის დიდი წიგნი“ ასევე ხელმისაწვდომია ელექტრონული წიგნის (e-book) ფორმატშიც.

მოხარული ვიქნები, მოთხოვნის შემთხვევაში, გამოგიგზავნოთ დამატებითი ინფორმაცია ან პირადად ვუპასუხო თქვენს შეკითხვებს.

დიდი მადლობა დათმობილი დროისა და დაინტერესებისთვის.

პატივისცემით,

ურტე პაულუსი (Urte Paulus)

III დონის სერტიფიცირებული მწვრთნელი, სერტიფიცირებული მწვრთნელ-ინსტრუქტორი, სერტიფიცირებული სპორტული მენტალ-ქოუჩი, ბიოლოგიის მაგისტრი

• სათაური: THE BIG BOOK OF ARCHERY („მშვილდოსნობის დიდი წიგნი“)

• ავტორი: Urte Paulus

• ISBN: 978-3-938921-89-0

• მოცულობა: 568 გვერდი

• წიგნის ფორმატი: A4 (21 × 29.7 სმ), მყარი ყდა

• გამომცემლობა: Angelika Hörnig (https://www.bogenschiessen.de/)

• ფასი: 120 € + ტრანსპორტირება გერმანიიდან (+ საბაჟო გადასახადი?)

• ხელმისაწვდომია ბმულზე: https://www.bogenschiessen.de/the-big-book-of-archery/

დიპლ. ბიოლოგი ურტე პაულუსი

მშვილდოსნობის L3 სერტიფიცირებული მწვრთნელი

სერტიფიცირებული ინსტრუქტორ-მწვრთნელი

(3D-ეროვნული ნაკრების მთავარი მწვრთნელი 2009-2011)

სერტიფიცირებული სპორტული მენტალ-ტრენერი

ავტორი

ვენა / ავსტრია

urte.paulus@gmx.at

პრეზენტაცია: https://cdn.geoarchery.ge/files/Detailed_table_of_contents_THE_BIG_BOOK_OF_ARCHERY.pdf

პრეზენტაცია: https://cdn.geoarchery.ge/files/%E1%83%A1%E1%83%A2%E1%83%A0%E1%83%90%E1%83%A2%E1%83%94%E1%83%92%E1%83%98%E1%83%A3%E1%83%9A%E1%83%98_%E1%83%99%E1%83%9D%E1%83%9B%E1%83%A3%E1%83%9C%E1%83%98%E1%83%99%E1%83%90%E1%83%AA%E1%83%98%E1%83%94%E1%83%91%E1%83%98%E1%83%A1_%E1%83%90%E1%83%9C%E1%83%92%E1%83%90%E1%83%A0%E1%83%98%E1%83%A8%E1%83%98__1_.pdf

საქართველოს მშვილდოსნობის ეროვნული ფედერაცია

დოკუმენტის ტიპი: ანგარიში / კონცეფცია

მიმართულება: სტრატეგიული კომუნიკაციები (7-წლიანი განვითარების სტრატეგიის მე-12 მიზნობრივი ბლოკი)

I. სტრატეგიული კომუნიკაციების არსი და კონცეპტუალური ხედვა

საქართველოს მშვილდოსნობის ეროვნულ ფედერაციაში სტრატეგიული კომუნიკაცია არ განიხილება, როგორც უბრალო საინფორმაციო/საჯარო ურთიერთობების (PR) ინსტრუმენტი. სტრატეგიული კომუნიკაცია არის მართვის, ინსტიტუციური განვითარების და პარტნიორობის დამყარების ფუნდამენტური მექანიზმი, რომელიც უზრუნველყოფს 7-წლიანი სტრატეგიის (2025–2032) ეფექტიან რეალიზაციას.

სტრატეგიული კომუნიკაციის სისტემა აგებულია ორ ძირითად ღერძზე:                             ┌─────────────────────────────────────────┐

                              │ სტრატეგიული კომუნიკაციების სისტემა │

                              └────────────────────┬────────────────────┘

                                                   │

                        ┌──────────────────────────┴──────────────────────────┐

                        ▼ ▼

         ┌─────────────────────────────┐ ┌─────────────────────────────┐

         │ შიდა კომუნიკაცია │ │ გარე კომუნიკაცია │

         └──────────────┬──────────────┘ └──────────────┬──────────────┘

                        │ │

         ┌──────────────┴──────────────┐ ┌────────────────────────────┼────────────────────────────┐

         ▼ ▼ ▼ ▼ ▼

  [სტრატეგიის გააზრება] [თანაშემოქმედება] [სამინისტრო] [საერთაშორისო ფედერაცია] [ფართო საზოგადოება]

1. შიდა კომუნიკაციის ღერძი (Inward Alignment)

არსი: ფედერაციის ყველა წევრის — სპორტსმენების, მწვრთნელების, მსაჯების, კლუბებისა და ადმინისტრაციული პერსონალის — სრული ინფორმირებულობა და ჩართულობა.

მიზანი: 7-წლიანი სტრატეგიის შინაარსის გააზრება და თითოეული წევრის მიერ საკუთარი თავის აღქმა ამ სტრატეგიის რეალიზაციის თანაშემოქმედად და უშუალო მონაწილედ.

2. გარე კომუნიკაციის ღერძი (External Engagement)

გარე კომუნიკაცია ფოკუსირებულია სამ ძირითად სამიზნე აუდიტორიაზე:

სპორტის სამინისტრო: სახელმწიფო პოლიტიკის განმსაზღვრელი და ძირითადი პარტნიორი. კომუნიკაციის მიზანია სტრატეგიული პროექტების არგუმენტირებული პრეზენტაცია, გამჭვირვალობა და შედეგებზე ორიენტირებული ანგარიშვალდებულება.

საერთაშორისო ფედერაცია (World Archery): გლობალური მმართველობის ორგანო. კომუნიკაციის მიზანია ეროვნული სტრატეგიის თავსებადობის დემონსტრირება მსოფლიო სტანდარტებთან, საერთაშორისო პროგრამებში ინტეგრაცია და რესურსების მობილიზება.

ფართო საზოგადოება და მედია: მშვილდოსნობის, როგორც სამეცნიერო/ბიომექანიკურ მიდგომებზე დაფუძნებული სპორტის სახეობის პოპულარიზაცია და პოზიტიური ინსტიტუციური იმიჯის დამკვიდრება.

II. პროექტულ-პროგრამული მიდგომა და პრაქტიკული შედეგები

7-წლიანი სტრატეგიის 12-ვე მიზანი აგებულია პროექტულ-პროგრამულ პრინციპზე. ყველა აქტივობა, ტურნირი თუ საერთაშორისო ვიზიტი ხორციელდება კონკრეტული სტრატეგიული მიზნის ფარგლებში, რაც ნათლად პოზიციონირდება როგორც მედიაში, ისე პარტნიორებთან ურთიერთობაში.

1. საერთაშორისო სტრატეგიული პარტნიორობა (World Archery — ლოზანა, შვეიცარია)

მაღალი დონის ვიზიტი და სტრატეგიის აღიარება: ფედერაციის ხელმძღვანელობის ვიზიტი მსოფლიო მშვილდოსნობის (World Archery) შტაბ-ბინაში (ლოზანა) და შეხვედრა გენერალურ მდივანთან.

შედეგი: World Archery-სა და მისი განვითარების დეპარტამენტის ხელმძღვანელობამ ოფიციალურად დაადასტურა საქართველოს 7-წლიანი სტრატეგიის სრული თავსებადობა საერთაშორისო ფედერაციის გლობალურ დოკუმენტებსა და პროგრამებთან.

საერთაშორისო PR: ვიზიტი და სტრატეგიული ხედვა გაშუქდა World Archery-ს ოფიციალურ აგვისტოს ბიულეტენში.

რესურსების მობილიზება და მხარდაჭერა (სექტემბერი, 2026):

ახალგაზრდა ოლიმპიელის პროგრამა: ჩვენი ახალგაზრდა პერსპექტიული სპორტსმენი და მისი პირადი მწვრთნელი მიწვეულ იქნენ ლოზანის ოსტატობის ცენტრში (World Archery Excellence Centre) ინტენსიურ საწვრთნელ შეკრებაზე — მსოფლიო ფედერაციის სრული დაფინანსებითა და დაფარვით. ეს ფაქტი დეტალურად გაშუქდა World Archery-ს სექტემბრის ბიულეტენში.

მწვრთნელთა კვალიფიკაციის ამაღლება: World Archery-ს განვითარების დეპარტამენტის მოწვევითა და სრული დაფინანსებით, საქართველოს ორი წამყვანი მწვრთნელი მიემგზავრება ლოზანაში კვალიფიკაციის ამაღლების სპეციალურ პროგრამაზე.

2. აკადემიური და სამეცნიერო თანამშრომლობა (თურქეთის რესპუბლიკა)

ინსტიტუციური ვიზიტი და შეთანხმებები: ვიზიტი თურქეთის მშვილდოსნობის ფედერაციის პრეზიდენტთან და ესქიშეჰირის ტექნიკური უნივერსიტეტის რექტორთან.

სამეცნიერო-სპორტული პოტენციალი: შეთანხმება ესქიშეჰირის უნივერსიტეტის სპორტულ-სამეცნიერო ფაკულტეტთან და ინფრასტრუქტურასთან თანამშრომლობაზე.

პრაქტიკული ეტაპი (10 ოქტომბერი, 2026): სტრატეგიის ფარგლებში, საქართველოს ახალგაზრდა ტალანტები მიემგზავრებიან ესქიშეჰირის უნივერსიტეტში საწვრთნელ-სამეცნიერო შეკრებაზე.

საჯარო დიპლომატია: შეხვედრები და შეთანხმებები ოფიციალურად გაშუქდა უნივერსიტეტის ოფიციალურ პლატფორმებსა და მედიარესურსებზე.

3. ციფრული ინფრასტრუქტურა და საინფორმაციო არხები

ახალი ვებ-გვერდის ამოქმედება: შეიქმნა ფედერაციის თანამედროვე ვებ-პორტალი, რომელიც ემსახურება როგორც შიდა, ისე გარე კომუნიკაციას.

შინაარსობრივი დატვირთვა: პორტალზე განთავსებულია:

სტრატეგიის დოკუმენტები და მარეგულირებელი ბაზა;

ანალიტიკური მასალები და სტატიები;

სპორტული სტატისტიკა და მიმდინარე სიახლეები.

4. მედიასთან ურთიერთობა და ბრენდინგი

მეცნიერებაზე დაფუძნებული პოზიციონირება: ყველა ტურნირისა და ღონისძიების გაშუქებისას (ტელევიზია, სოციალური მედია, პრესა) მკაფიოდ ხაზგასმულია, რომ აქტივობები ტარდება 7-წლიანი სტრატეგიის კონკრეტული პროექტების ფარგლებში.

საზოგადოებრივი აღქმა: საზოგადოებასა და მედიას მიეწოდება მკაფიო გზავნილი, რომ ქართული მშვილდოსნობა ვითარდება თანამედროვე, მეცნიერებაზე დაფუძნებული და სტრატეგიულად დაგეგმილი მიდგომებით.

III. დასკვნა და პერსპექტივა

საქართველოს მშვილდოსნობის ეროვნული ფედერაციის მიერ გატარებული სტრატეგიული კომუნიკაციების პოლიტიკა ადასტურებს, რომ:

სახელმწიფო საბიუჯეტო და პარტნიორული რესურსები გამოიყენება მაქსიმალური ეფექტიანობით.

საერთაშორისო აღიარება და ფინანსური მხარდაჭერა (World Archery-ს მიერ ხარჯების სრული დაფარვა) უშუალოდ უკავშირდება გამართულ, საერთაშორისო სტანდარტებთან თავსებად სტრატეგიულ დოკუმენტს.

სტრატეგიული კომუნიკაცია უზრუნველყოფს როგორც შიდა კონსოლიდაციას, ისე საქართველოს, როგორც პროგრესული სპორტული ფედერაციის, პოზიციონირებას საერთაშორისო ასპარეზზე.

სტატია worldarchery_ზე: https://www.worldarchery.sport/news/202640/youth-archers-step-dakar-2026-preparations-lausanne

2026 წლის 24 სექტემბერი

ლოზანა (შვეიცარია) — 2026 წლის დაკარის ახალგაზრდული ოლიმპიური თამაშების მოახლოებასთან ერთად, ბულგარელმა ნედა კენდეროვამ და ქართველმა დავით ბასილაძემ მზადება გააძლიერეს და ლოზანაში, მსოფლიო მშვილდოსნობის დაოსტატების ცენტრში (World Archery Excellence Centre) ხუთდღიანი სავარჯიშო შეკრება გაიარეს.

მათი ვიზიტი, რომელიც 14-დან 18 სექტემბრამდე გაგრძელდა, გახლდათ პირველი სამი სავარჯიშო ბანაკიდან, რომლებიც „ოლიმპიური სოლიდარობის“ (Olympic Solidarity) დაფინანსებით იმართება. პროექტის მიზანია კვალიფიციური მშვილდოსნების მხარდაჭერა თამაშებისთვის მზადების დასკვნით ეტაპზე.

პროექტში ასევე ჩართულნი არიან უშუალოდ სპორტსმენთა მწვრთნელები, რომლებიც გააგრძელებენ ლოზანაში დაწყებულ მუშაობას და გაუძღვებიან მათ დაკარის შეჯიბრებაზე.

„ოლიმპიური სოლიდარობა“ ეროვნულ ოლიმპიურ კომიტეტებსა და მათ სპორტსმენებს ეხმარება სპეციალური პროგრამებით, რომლებიც დამატებითი წვრთნისა და ასპარეზობის შესაძლებლობებს უზრუნველყოფს. მშვილდოსნობის შემთხვევაში, ეს მხარდაჭერა დაკარისთვის მოემზადე ახალგაზრდა სპორტსმენებს საშუალებას აძლევს, ეროვნული ნაკრების მიმდინარე პროგრამებთან ერთად, სპეციალურ სავარჯიშო ბანაკებზეც ისარგებლონ წვდომით.

კენდეროვასთვის ლოზანის ბანაკი ნიშნავდა ვარჯიშისთვის დათმობილ მეტ დროსა და შესაძლებლობას, ემუშავა სროლის ტექნიკურ დეტალებზე.

მან ხაზი გაუსვა ინტენსიურ მუშაობას მწვრთნელებთან — კეონგსუ ჯონგთან და ჰოვარდ კატრინთან.

„მთელ დღეს აქ ვატარებ,“ — თქვა მან. — „ეს მეხმარება ტექნიკაში, კონცენტრაციაში, აღჭურვილობაში — აბსოლუტურად ყველაფერში.“

16 წლის ბულგარელი სპორტსმენი თავის მწვრთნელთან, ვენცისლავველიკოვთან ერთად უკვე ხუთი წელია ვარჯიშობს — მას შემდეგ, რაც ამ სპორტში შევიდა. ველიკოვი, რომელიც 2011 წლის ტურინის მსოფლიო ჩემპიონატზე ასპარეზობდა, მიიჩნევს, რომ კარგი მომზადება და კონცენტრაცია საკვანძო ფაქტორია ბულგარელ მშვილდოსანთა ახალი თაობის შედეგების გაუმჯობესებისთვის.

დაკარში კენდეროვას მიზანია აჩვენოს საუკეთესო შედეგი და, შესაძლოა, საუკეთესო რვაეულშიც მოხვდეს.

ის განმარტავს, რომ მშვილდოსნობა ახლა მის მთელ თავისუფალ დროს იკავებს.

„მთელ თავისუფალ დროს სროლას ვუთმობ,“ — თქვა მან. — „მიყვარს ეს სპორტი და მხოლოდ ამაზე ვფიქრობ.“

ამ ახალგაზრდა სპორტსმენებისთვის ასეთი თავდადება ნიშნავს ვარჯიშისა და სკოლის ერთმანეთთან შეთავსებას.

ბანაკის კიდევ ერთ მონაწილეს, საქართველოს წარმომადგენელ დავით ბასილაძეს, შვეიცარიაში პირველი ვიზიტიდან კარგი მოგონებები აკავშირებს. მან 2023 წელს, სიონში გამართულ ევროპის ახალგაზრდულ თასის მეორე ეტაპზე ოქროს მედალი მოიპოვა.

„ჩემთვის ძალიან კარგი შეჯიბრება იყო. ძალები არ დავიშურე და ოქრო მოვიპოვე.“

იმ დროს, 13 წლის ასაკში, დავითი თავის კატეგორიაში ყველაზე უმცროსი მშვილდოსანი იყო. მან იასპარეზა სპორტსმენების წინააღმდეგ, რომლებიც მასზე ოთხ წლამდე უფროსები იყვნენ, და საბოლოოდ 18 წლამდელთა შორის კლასიკური მშვილდით (recurve) ოქროს მედალი მოიპოვა.

დავითმა მშვილდი პირველად ოთხი წლის ასაკში დაიჭირა, თუმცა, როგორც თავად განმარტავს, ეს მაშინ უფრო ერთობოდა.

„სერიოზულად არ ვუდგებოდი. უბრალოდ ვთამაშობდი. მაგრამ ექვსი წლის წინ სერიოზულად დავიწყე ვარჯიში და მას შემდეგ ყველაფერს ვაკეთებ საუკეთესო შედეგისთვის.“

ქართველ სპორტსმენს თან ახლდა მამა და მწვრთნელი, გურამ ბასილაძე. ქვეყნის ყოფილმა პირველმა ნომერმა მშვილდოსნობაში აღნიშნა, რომ ამაყი და ბედნიერია, რადგან საკუთარ შვილს დაკარისთვის მზადებაში ავარჯიშებს.

გურამს სჯერა, რომ დაკარში მედლის მოპოვება შესაძლებელია და ეს უდიდესი მნიშვნელობის მოვლენა იქნება მათი ქვეყნისთვის.

ამ ამბიციას დავითიც იზიარებს.

„მაისური მაქვს საქართველოს დროშით და ოქროს მედლის მოპოვება მინდა,“ — თქვა მან. — „საკუთარი თავის მჯერა, საკუთარ თავს ვენდობი.“

უცხოეთში ვარჯიში და ასპარეზობა ასევე ნიშნავს ოჯახისა და მეგობრებისგან შორს ყოფნას.

16 წლის სპორტსმენი სახლიდან შორს ყოფნაზე საუბრობს:

„დიახ, რთულია, მაგრამ იცით, ეს მშვილდოსნობაა.“

ოჯახის მხარდაჭერა და გაგება მას მანძილის გადალახვაში ეხმარება.

„ჩემმა ოჯახმა იცის, რომ ეს ჩემთვის მნიშვნელოვანია და რომ ეს სავარჯიშო ბანაკები მაღალი ქულების მისაღწევად მჭირდება.“

ლოზანის ბანაკი პირველია „ოლიმპიური სოლიდარობის“ მხარდაჭერით დაგეგმილი სამი სავარჯიშო ეტაპიდან, რომლებიც დაკარის თამაშებამდე ცენტრში გაიმართება.

უკვე დადასტურებულია კიდევ ორი ბანაკი: ერთი სლოვაკი მშვილდოსნისთვის, ადელა ტოლაროვიჩოვასთვის (4–10 ოქტომბერი), ხოლო მეორე სინგაპურელი ტაბითა ერნ ლინ იოსთვის (18–24 ოქტომბერი).

ედვარდ კენსინგტონმა, „ოლიმპიური თამაშების უნივერსალურობის“ მიმართულების ხელმძღვანელმა, განმარტა „ოლიმპიური სოლიდარობის“ სპორტსმენთა სტიპენდიების პროგრამის როლი.

„ეს ხელს უწყობს თანაბარი პირობების შექმნას, რადგან სპორტსმენებს გაუმჯობესებულ სავარჯიშო და ასპარეზობის გამოცდილებაზე აძლევს წვდომას,“ — განაცხადა კენსინგტონმა.

მან მოუწოდა მშვილდოსნობის საზოგადოებას, ფართოდ გაავრცელონ ინფორმაცია „ოლიმპიური სოლიდარობის“ შესაძლებლობების შესახებ, რათა სპორტსმენებმა და წევრმა ასოციაციებმა თავიანთი ეროვნული ოლიმპიური კომიტეტების მეშვეობით სარგებელი მიიღონ.

ახალგაზრდული ოლიმპიური თამაშები უნიკალურ შესაძლებლობას სთავაზობს ახალგაზრდა სპორტსმენებს, რადგან მონაწილეობისთვის საკმაოდ ვიწრო ასაკობრივი ზღვარია დაწესებული.

კენდეროვასთვის ოლიმპიურ ღონისძიებაზე ბულგარეთის წარდგენას ნერვიულობასთან ერთად სიამაყეც მოაქვს.

„მიჭირს თქმა, ცოტა საშიშიცაა, მაგრამ ამაყი ვარ, რადგან მიხარია იქ ყოფნა,“ — თქვა მან. — „ბედნიერი ვარ, რადგან ეს დავიმსახურე.“

ახალგაზრდული ოლიმპიადა | ოლიმპიური სოლიდარობა | დაოსტატების ცენტრი

.

https://www.worldarchery.sport/news/202633/world-archery-newsletter-september-2026

ბათუმი, 2026 წლის 21–24 სექტემბერი — ტურნირის საკვალიფიკაციო ეტაპი ქართული მშვილდოსნობის ისტორიაში ახალი ეროვნული რეკორდით ჩაეწერა.

23 სექტემბერს კაცთა შორის 70-მეტრიან ოლიმპიურ დისტანციაზე ალექსანდრე მაჭავარიანმა 670 ქულა (337 + 333) დააფიქსირა, პირველი ადგილი დაიკავა და საქართველოს ეროვნული რეკორდი გააუმჯობესა!

თვისებრივი ნახტომი და სერიების მაღალი სტაბილურობა

ალექსანდრეს მიერ ნაჩვენები შედეგი მისი სპორტული კარიერის ახალი მწვერვალია. მან არა მხოლოდ გადააჭარბა თავის წინა პიკურ მაჩვენებელს (668 ქულა), არამედ აჩვენა სროლის რიტმისა და გამძლეობის უმაღლესი სტაბილურობა:

I სერია (36 ისარი): 337 ქულა — აბსოლუტური ლიდერობა საკვალიფიკაციო ბადეში.

II სერია (36 ისარი): 333 ქულა — შედეგის მყარი შენარჩუნება და მინიმალური დისპერსია სერიებს შორის.

ეს შედეგი ადასტურებს, რომ სპორტსმენის ფიზიკური და ტექნიკური მომზადების ციკლი სწორი მეთოდოლოგიით მიმდინარეობს, რაც უზრუნველყოფს მაღალი ქულის შენარჩუნებას ტურნირის მთელ დისტანციაზე.

განაცხადი მსოფლიო ელიტაში

670-ქულიანი ბარიერის გადალახვა ალექსანდრე მაჭავარიანს პირდაპირ შეჰყავს მსოფლიოს Top-25–30-ის ზონაში და მნიშვნელოვნად ამცირებს დისტანციას საერთაშორისო ელიტის პირველ ათეულთან. ეს მიღწევა ნათლად აჩვენებს, რომ ქართველი მშვილდოსნებისთვის საერთაშორისო ასპარეზზე უმაღლესი პოზიციებისთვის ბრძოლა სრულიად რეალური და მიღწევადი ამოცანაა.

საქართველოს მშვილდოსნობის ეროვნული ფედერაცია გულითადად ულოცავს ალექსანდრე მაჭავარიანს, მის პირად მწვრთნელსა და ეროვნული ნაკრების სამწვრთნელო შტაბს ამ ისტორიულ გამარჯვებას!

ვუსურვებთ ალექსანდრეს ამ დინამიკის შენარჩუნებას და ახალ საერთაშორისო ტრიუმფებს!

დღეს, 20 სექტემბერს, შვეიცარიის ქალაქ ლოზანიდან სამშობლოში დაბრუნდა ჩვენი ახალგაზრდა ოლიმპიელი დავით ბასილაძე პირად მწვრთნელთან, გურამ ბასილაძესთან ერთად, სადაც მათ მშვილდოსნობის მსოფლიო ოსტატობის ცენტრში (World Archery Excellence Centre) დაკარის 2026 წლის ახალგაზრდული ოლიმპიური თამაშებისთვის განკუთვნილი სპეციალური, ინტენსიური მომზადების კურსი გაიარეს.

აეროპორტიდან სპორტსმენი და მწვრთნელი პირდაპირ საქართველოს მშვილდოსნობის ეროვნული ფედერაციის ცენტრალურ ოფისს ეწვივნენ და სამუშაო შეხვედრა გამართეს ფედერაციის გენერალურ მდივანთან, დოქტორ ბესიკ ობოლაძესთან, აღმასრულებელ მენეჯერ არტემ სანიშვილსა და მწვრთნელთა კომიტეტის თავმჯდომარე გიორგი გორდეზიანთან.

შეხვედრაზე გურამ და დავით ბასილაძეებმა დეტალური ანგარიში წარადგინეს ლოზანაში გავლილი სასწავლო-საწვრთნელი შეკრების როგორც ორგანიზაციული, ისე ტექნიკური და წმინდა სპორტული ასპექტების შესახებ. აღინიშნა, რომ შეკრებამ სრულიად გაამართლა მოლოდინი — სამხრეთკორეელ სპეციალისტ კეუნგ სუ ლისთან (Kyeoung Su Lee) და მსოფლიო ცენტრის მწვრთნელებთან 20-საათიანი ინდივიდუალური მუშაობის, ვიდეო-ანალიზისა და აღჭურვილობის ზუსტი პარამეტრების გასწორების (ტუნინგის) შედეგად, სპორტსმენმა მნიშვნელოვნად აიმაღლა მენტალური მომზადება და თავდაჯერებულობა ოლიმპიური სტარტების წინ.

როგორც სპორტსმენმა, ისე პირადმა მწვრთნელმა სრული კმაყოფილება გამოთქვეს შეკრების მაღალი ორგანიზაციული დონითა და იმ ექსკლუზიური პირობებით, რაც მათ ლოზანის ოსტატობის ცენტრში შეექმნათ.

საქართველოს მშვილდოსნობის ეროვნული ფედერაცია ღრმა მადლიერებას უცხადებს მსოფლიო მშვილდოსნობის (World Archery) განვითარების დეპარტამენტს, მსოფლიო ოსტატობის ცენტრის ხელმძღვანელობას, პროექტში ჩართულ თითოეულ მწვრთნელსა და სპეციალისტს ამ უმნიშვნელოვანესი მხარდაჭერისა და ქართველი ახალგაზრდა ოლიმპიელის მომზადებაში შეტანილი უდიდესი წვლილისთვის!

დასრულდა საქართველოს ახალგაზრდული თასის ფინალი 

2026 წლის 16-18 სექტემბერს, თბილისში, მშვილდოსნობის ცენტრალურ ბაზაზე წარმატებით ჩატარდა საქართველოს ახალგაზრდული თასის ფინალი.

ტურნირში საქართველოს სხვადასხვა მშვილდოსნობის ცენტრიდან - თბილისიდან, აჭარიდან, მარნეულიდან და ქუთაისიდან - სულ 35 სპორტსმენი იღებდა მონაწილეობას.

ტურნირმა, რომელიც საქართველოს მშვილდოსნობის ეროვნული ფედერაციის 7-წლიანი სტრატეგიული განვითარების გეგმის განუყოფელი ნაწილია, მნიშვნელოვანი როლი ითამაშა ახალგაზრდა სპორტსმენების რეიტინგულ მობილიზაციაში. შეჯიბრებაში მონაწილეობას იღებდნენ სპორტსმენები კლასიკური მშვილდის (Recurve) კატეგორიაში, სამ ასაკობრივ ჯგუფში (U21, U18, U15).

ტურნირის საპრიზო ადგილები ასაკობრივი კატეგორიებისა და სქესის მიხედვით შემდეგნაირად განაწილდა:

U21 ასაკობრივი კატეგორია

ვაჟები:

ოთიაშვილი ირაკლი

კალაძე გიორგი

დავითაძე თემურ

გოგონები:

ეფრემიძე ელენიკა

ტეტუნაშვილი ნინო

ზაქარაძე ნატა 

U18 ასაკობრივი კატეგორია

ვაჟები:

ცინცაძე სანდრო

გურგენიძე ნიკოლოზ

ყულოშვილი მიხეილ

გოგონები:

ბოლოკაძე ანანო

ლეკიაშვილი ელენე

ბოსტოღანაშვილი ანასტასია

U15 ასაკობრივი კატეგორია

გოგონები:

სურგულაძე ანა

ნემსიწვერიძე მარიამ

ყორშია ანა

ტურნირის დასრულებისას საუკეთესო შედეგების მქონე სპორტსმენები დაჯილდოვდნენ თასებით, მედლებითა და სერტიფიკატებით.

ფედერაცია ულოცავს ყველა გამარჯვებულსა ამ წარმატებას!

ფოტო მასალა იხილეთ ფეისბუქის გვერძე: https://www.facebook.com/share/p/1C9UpEbFTD/

მ. წ. აგვისტოს ბოლოს, ბათუმში, ანგისის მშვილდოსნობის ბაზაზე წარმატებით ჩატარდა წარსულში ცნობილი მშვილდოსნის, ოთხი ოლიმპიადის მონაწილის, ევროპის თამაშების პრიზიორისა და არაერთი საერთაშორისო ტურნირის გამარჯვებულის — ხათუნა ნარიმანიძის სახელობის ტრადიციული საერთაშორისო ტურნირი მშვილდოსნობაში.

ღონისძიების ფარგლებში გაიმართა განსაკუთრებული დაჯილდოების ცერემონია: ქართულ მშვილდოსნობაში შეტანილი  წვლილისთვის საქართველოს მშვილდოსნობის ეროვნული ფედერაციის სპეციალური პრიზით დაჯილდოვდა ფედერაციის პირველი ვიცე-პრეზიდენტი, ქალბატონი ხათუნა ნარიმანიძე.

კუთვნილი ჯილდო მას ფედერაციის გენერალურმა მდივანმა, ბესიკ ობოლაძემ გადასცა.

„ეს ტურნირი  ხათუნა  ნარიმანიძის  სახელს ატარებს და  მისი ღვაწლის დაფასებაა, მან თავისი ნიჭით, შრომითა და თავდადებით ქართული მშვილდოსნობა ღირსეულად წარმოაჩინა საერთაშორისო ასპარეზზე,“ — აღნიშნა ბესიკ ობოლაძემ სიტყვით გამოსვლისას.

დაჯილდოების საზეიმო ცერემონიალს ესწრებოდნენ საერთაშორისო ტურნირში მონაწილე უცხოური დელეგაციების წარმომადგენლები, სპორტსმენები, აგრეთვე ადგილობრივი ხელისუფლებისა და სპორტული სფეროს ხელმძღვანელი პირები, მათ შორის: აჭარის სპორტის დეპარტამენტის თავმჯდომარე ირმა ნიჟარაძე და ხელვაჩაურის მუნიციპალიტეტის საკრებულოს თავმჯდომარე არჩილ მხეიძე.