თურქეთში სამუშაო ვიზიტის ფარგლებში, ჩვენი ფედერაციის დელეგაცია (გენერალური მდივანი -ბესიკ ობოლაძე, აღმასრულებელი მენეჯერი-არტემ სანიშვილი)  ანკარის წამყვან სპორტულ კლუბს - "ZEN Okçuluk" ს ეწვია.

ვიზიტის მთავარ მიზანს გამოცდილების გაზიარება და სამომავლო პარტნიორობის საფუძვლების ჩაყრა წარმოადგენდა. შეხვედრების ფარგლებში დელეგაციის წევრები დეტალურად გაეცნენ კლუბების თანამედროვე ინფრასტრუქტურას, მართვის მოდელებსა და სპორტსმენთა მომზადების სისტემას.

ვიზიტისას დაიგეგმა:

• ერთობლივი პროექტები: მჭიდრო და გრძელვადიანი თანამშრომლობის პერსპექტივები ჩვენს კლუბებთან;

• სპორტული აქტივობები: ერთობლივი ტურნირებისა და  წვრთნების ორგანიზების შესაძლებლობები.

"ეს ვიზიტი მნიშვნელოვანი ნაბიჯია ჩვენი კლუბების განვითარებისა და საერთაშორისო ასპარეზზე კავშირების გაძლიერებისთვის. თურქული მხარის გამოცდილება და ინფრასტრუქტურა სამაგალითოა და მოხარულები ვართ, რომ წინ საინტერესო ერთობლივი პროექტები გველოდება."

 ფედერაციის დელეგაცია მადლობას უხდის პროფესორ ჰაირი ერთანს კლუბებში სტუმრობის ორგანიზებისთვის, კლუბებს კი გულითადი მასპინძლობისთვის.

ქვემოთ იხილეთ ვიზიტის ამსახველი ფოტომასალა