24–25 ოქტომბერს წარმატებით დასრულდა ქეთევან ლოსაბერიძის სახელობის ტრადიციული თასის გათამაშება მშვილდოსნობაში. ტურნირმა კიდევ ერთხელ მოუყარა თავი საქართველოს გამორჩეულ სპორტსმენებს, რომლებმაც მაღალი კონკურენცია და პროფესიონალური ოსტატობა აჩვენეს.

ინტენსიური და დაძაბული ორთაბრძოლების შედეგად, საპრიზო ადგილები შემდეგნაირად განაწილდა:

ქალთა კატეგორია

• I ადგილი: ანა ბოლოკაძე

• II ადგილი: ელენიკა ეფრემიძე

• III ადგილი: მედეა გვინჩიძე

მამაკაცთა კატეგორია

• I ადგილი: ანრი ბასილაძე

• II ადგილი: თემური მაკიევი

• III ადგილი: ალექსანდრე მაჭავარიანი

მთავარი ჯილდო — ქეთევან ლოსაბერიძის გარდამავალი თასი

ტურნირის კულმინაცია იყო ფინალური დაპირისპირება აბსოლუტური ჩემპიონის გამოსავლენად. ქეთევან ლოსაბერიძის მთავარი თასი ხვდა წილად მამაკაცთა შორის გამარჯვებულ ანრი ბასილაძეს, რომელმაც ფინალურ, პრინციპულ ორთაბრძოლაში დაამარცხა ქალთა კატეგორიის გამარჯვებული ანა ბოლოკაძე.

ვულოცავთ ყველა გამარჯვებულსა და მონაწილეს ამ წარმატებას და წინსვლას ვუსურვებთ მომავალ ასპარეზობებზე!