ესქიშეჰირის ტექნიკური უნივერსიტეტის (ESTÜ) სტატია იხილეთ: https://www.eskisehir.edu.tr/tr/Haber/Detay/gurcistan-okculuk-federasyonu-heyetinden-eskisehir-teknik-universitesine-ziyaret

მასალის ქართული თარგმანი:

საქართველოს მშვილდოსნობის ფედერაციის გენერალური მენეჯერი არტემ სანიშვილი და გენერალური მდივანი, მეცნიერებათა დოქტორი ბესიკ ობოლაძე, ხუთშაბათს, 2026 წლის 2 ივლისს, სამუშაო კაბინეტში ეწვივნენ ესქიშეჰირის ტექნიკური უნივერსიტეტის (ESTÜ) რექტორს, პროფესორ დოქტორ ადნან ოზჯანს.

განხორციელებული ვიზიტის ფარგლებში განიხილეს მშვილდოსნობის სფეროში საერთაშორისო თანამშრომლობის შესაძლებლობები. შეხვედრაზე შეფასდა თანამშრომლობის პერსპექტივები, რომლებიც ითვალისწინებს საქართველოს მშვილდოსნობის ფედერაციის მიერ ესქიშეჰირის ტექნიკური უნივერსიტეტის სპორტული ბაზებით სარგებლობას და ფედერაციის შემადგენლობაში მყოფი ლიცენზირებული მშვილდოსანი სტუდენტების ESTÜ-ში გაგზავნას საერთაშორისო მობილობის პროგრამების ფარგლებში.

ვიზიტს ასევე ესწრებოდნენ ESTÜ-ს რექტორის მოადგილეები: პროფესორი დოქტორი ონურ ქაია და პროფესორი დოქტორი ჰანიფე აფაიდინ ოზჯანი. გარდა ამისა, შეხვედრაში მონაწილეობდნენ ESTÜ-ს სპორტულ მეცნიერებათა ფაკულტეტის პროფესორი დოქტორი ჰაირი ერთანი, დეკანის მოადგილე, დოცენტი დოქტორი არიფ იუჯე და საერთაშორისო ურთიერთობების განყოფილების ხელმძღვანელი, ლექტორი უმიუ გულსუმ ქარამან ბულუთი.

შეხვედრის დასასრულს, მხარეებმა გაცვალეს მოსაზრებები მშვილდოსნობის სფეროში განათლების, სპორტსმენთა განვითარებისა და საერთაშორისო აკადემიური თანამშრომლობის გაძლიერებისკენ მიმართული ერთობლივი სამუშაოების განხორციელების შესახებ.