საქართველოს მშვილდოსნობის ეროვნული ფედერაციის გენერალურმა მდივანმა, მეცნიერებათა დოქტორმა ბესიკ ობოლაძემ და აღმასრულებელმა მდივანმა არტემ სანიშვილმა ოფიციალური სამუშაო ვიზიტი გამართეს მშვილდოსნობის მსოფლიო ფედერაციაში (World Archery) და World Archery Excellence Centre-ში.

 

ვიზიტის ძირითადი მიზანი იყო ფედერაციის მიერ მიმდინარე წლის 1 მარტს დამტკიცებული 2025–2032 წლების განვითარების 7-წლიანი სტრატეგიის პრეზენტაცია და საერთაშორისო პარტნიორებთან ერთობლივი სამუშაო პროგრამების განხილვა.

 

ვიზიტის ძირითადი შედეგები და შეხვედრები

ლოზანაში (შვეიცარია), მშვილდოსნობის მსოფლიო ფედერაციის ცენტრალურ ოფისსა და World Archery Excellence Centre- ში გამართული შეხვედრების ფარგლებში:

 

სტრატეგიის პრეზენტაცია: ბესიკ ობოლაძემ დეტალურად წარადგინა საქართველოს ფედერაციის 7-წლიანი განვითარების სტრატეგია, რომელიც მოიცავს 12 ძირითად მიზანს, მათ შორის „Olympic Reserve-Road 2032“ და „Elite Transformation“ ინიციატივებს.

 

საერთაშორისო შეფასება: დოკუმენტმა მსოფლიო ფედერაციის ხელმძღვანელობის მხრიდან მაღალი შეფასება დაიმსახურა. აღინიშნა მისი სრული თავსებადობა საერთაშორისო ფედერაციის სტანდარტებთან, რაც მყარ საფუძველს ქმნის საქართველოს წარმატებული ჩართულობისთვის გლობალურ საექსპერტო და საგრანტო პროგრამებში.

 

პროგრამული თანამშრომლობა: მხარეებმა განიხილეს „ცოდნის გაზიარების პროგრამა 2026-ის“ (Knowledge Sharing Programme) ფარგლებში თანამშრომლობის პერსპექტივები. პრიორიტეტულ მიმართულებებად განისაზღვრა მწვრთნელთა გადამზადება (Level 1, Level 2), ეროვნული მსაჯების კურსები, პარამშვილდოსნობის განვითარება და შეჯიბრებების მართვის (Event Management) სემინარები.

 

ვიზიტი World Archery Excellence Centre-ში

ოფიციალური ვიზიტის ფარგლებში ქართული დელეგაცია ეწვია World Archery Excellence Centre-ს, სად წარმატებული საქმიანი შეხვედრები გაიმართა ცენტრის ხელმძღვანელობასთან:

მოხდა საქართველოს მშვილდოსნობის 7 -წლიანი განვითარების სტრატეგიის წარდგენა

ქართულმა მხარემ დეტალურად დაათვალიერა ცენტრის თანამედროვე ტექნოლოგიური ინფრასტრუქტურა და სავარჯიშო ბაზები, რომელთა გამოცდილებაც საქართველოში სპორტული მენეჯმენტისა და წვრთნის პროცესის სრულყოფისთვის იქნება გამოყენებული.

 

აღნიშნული ვიზიტი წარმოადგენს სტრატეგიულად მნიშვნელოვან ნაბიჯს ქართული მშვილდოსნობის საერთაშორისო ინტეგრაციის, სპორტსმენთა გადამზადების , მწვრთნელთა და მსაჯთა კვალიფიკაციის ამაღლებისა და გრძელვადიანი, მდგრადი განვითარების გზაზე.