ახალგაზრდული ევროპის ჩემპიონატის პირველ დღეს გაიმართა საკვალიფიკაციო რაუნდი.

საქართველოს ნაკრების შემადგენლობა:

• 18 წლამდე გოგონები: ანა ბოლოკაძე, ელენიკა ეფრემიძე და თიკა შავაძე;
• 18 წლამდე ვაჟები: დავითი ბასილაძე, თემურ დავითაძე და სანდრო ცინცაძე;
• 21 წლამდე (კომპაუნდი) გოგონები: თამთა ნავერიანი.

მწვრთნელები:

• ან ჰიუნგსეუნგი – მთავარი მწვრთნელი;
• გურამ ბასილაძე და გიორგი მაკიევი – დამხმარე მწვრთნელები.

საღამოს სესიაში 18-წლამდელ გოგონათა გუნდი ასპარეზობას პირველივე 1/8-ფინალში გამოეთიშა, სადაც საფრანგეთის ნაკრებთან დამარცხდა.

18-წლამდელ ვაჟთა გუნდმა ასპარეზობა 1/8-ფინალიდან დაიწყო და ესპანეთის ნაკრები დაამარცხა. შემდეგ ეტაპზე, 1/4-ფინალში, ისინი „AIN“-ის (ინდივიდუალური ნეიტრალური სპორტსმენების) გუნდთან დამარცხდნენ.

ჩემპიონატის მეორე დღის დილის სესიაში, საკვალიფიკაციო რაუნდის შედეგების მიხედვით, შერეულ წყვილში იასპარეზეს ანა ბოლოკაძემ და დავით ბასილაძემ.

ქართველმა სპორტსმენებმა:

• 1/12-ფინალში დაამარცხეს ესტონეთის ნაკრები;
• 1/8-ფინალში გაიმარჯვეს უკრაინის ნაკრებთან;
• 1/4-ფინალში სძლიეს „AIN“-ის (ინდივიდუალური ნეიტრალური სპორტსმენების) გუნდს.

ნახევარფინალში ისინი გერმანიის ნაკრებთან დამარცხდნენ. 24 ივლისს კი ბრინჯაოს მედლისთვის იტალიის თანატოლებს დაუპირისპირდებიან.

ვუსურვებთ ჩვენს სპორტსმენებს წარმატებას და ბრინჯაოს მედლის მოპოვებას!