2026 წლის 4 აგვისტოს, 12:00 საათზე, ქ. თბილისში, საქართველოს მშვილდოსნობის ეროვნული ფედერაციის სათაო ოფისში („დიდუბე პლაზა“, აკ. წერეთლის გამზ. #116 / სტანისლავსკის ქ. N5) გაიმართა ფედერაციის გამგეობის მორიგი სხდომა, რომელსაც უძღვებოდა ფედერაციის პრეზიდენტი სიმონ ნოზაძე.

სხდომაზე განხილულ იქნა დღის წესრიგით გათვალისწინებული მნიშვნელოვანი საკითხები და მიღებულ იქნა შესაბამისი გადაწყვეტილებები:

1. 7-წლიანი განვითარების სტრატეგიის მიმდინარეობა: გენერალურმა მდივანმა, ბესიკ ობოლაძემ, წარადგინა ანგარიში ფედერაციის 7-წლიანი განვითარების სტრატეგიის 5 თვის შედეგების შესახებ. გამგეობამ გაწეული მუშაობა და სტრატეგიის განხორციელების მიმდინარეობა დამაკმაყოფილებლად შეაფასა.

2. საერთაშორისო ვიზიტების ანგარიში: გენერალურმა მდივანმა ბესიკ ობოლაძემ და აღმასრულებელმა მენეჯერმა არტემ სანიშვილმა გამგეობას წარუდგინეს თურქეთის რესპუბლიკასა (ესკიშეჰირის უნივერსიტეტი, თურქეთის მშვილდოსნობის ფედერაცია) და მშვილდოსნობის მსოფლიო ფედერაციაში (World Archery) განხორციელებული სამუშაო ვიზიტების ანგარიში. გამგეობამ ვიზიტების შედეგები დამაკმაყოფილებლად შეაფასა.

3. სადისციპლინო და მწვრთნელთა კომიტეტები:

• გამგეობამ დაამტკიცა მწვრთნელთა კომიტეტის ახალი დებულება, რომელიც კომიტეტის თავმჯდომარემ, გიორგი გორდეზიანმა წარადგინა.

• დაკმაყოფილდა სადისციპლინო კომიტეტის თავმჯდომარის, მალხაზ მახარაძის განცხადება გადადგომის შესახებ.

• სადისციპლინო კომიტეტის ახალ თავმჯდომარედ დამტკიცდა ია ტალახაძე, ასევე დამტკიცდა კომიტეტის ახალი შემადგენლობაც.

4. ინვენტარის აღრიცხვისა და განაწილების წესი: გამგეობამ განიხილა და დაამტკიცა ფედერაციის ინვენტარის აღრიცხვისა და განაწილების ახალი წესი.

5. თანამშრომლობა სააგენტოსთან: სალომე გორგოძემ გამგეობას მიაწოდა ინფორმაცია სპორტის, ახალგაზრდობისა და ტურიზმის სააგენტოსთან გაფორმებული მემორანდუმის შესახებ. გამგეობამ დადებითად შეაფასა აღნიშნული თანამშრომლობა და მისი მნიშვნელობა ფედერაციის განვითარებისთვის.

6. გამგეობამ დამაკმაყოფილებლად შეაფასა ფედერაციის საქმიანობის ფინანსური ანგარიში  (მომხსენებელი არტემ სანიშვილი)

შენიშვნა: დღის წესრიგის მე-3 და მე-9 საკითხებთან დაკავშირებით (მთავარი მწვრთნელის, ჰიუნგსუენგ ანის მოხსენებები 6 თვის შედეგებსა და ნაკრები გუნდების ფორმირების პრინციპებზე) გაიმართება გამგეობის ცალკე სხდომა.