საქართველოს მშვილდოსნობის ეროვნული ფედერაცია აგრძელებს 7-წლიანი განვითარების სტრატეგიის იმპლემენტაციას და სპორტულ მენეჯმენტში თანამედროვე სამეცნიერო მიდგომების ინტეგრირებას.

ამ მიზნით, შედგა ფედერაციის გენერალური მდივნის, მეც.დოქტორ ბესიკ ობოლაძის მნიშვნელოვანი სამუშაო შეხვედრა ნეიროფსიქომოდულაციის ცენტრში,  (შენიშვნა: ინფორმაცია ნეიროფსიქომოდულაციის ცენტრის შესახებ იხილეთ : https://www.facebook.com/share/1AzaytPztC/),სადაც ქალბატონ აზა მანთაშაშვილთან (MD,CMHC,ნეიროფსიქოლოგიის დოქტორანტი (PHD, ა.შ.შ) NPMT მეთოდოლოგიის დამფუძნებელი)  და გიორგი  გოგაშვილთან (MD,NPMC დირექტორი, QEEG,TMS და ნეირომოდულაციის ექსპერტი (ა.შ.შ)  განხილულ იქნა მშვილდოსნობაში ინოვაციური ნეიროტექნოლოგიების გამოყენების პერსპექტივები. შეხვედრის ფარგლებში მხარეებმა იმსჯელეს ურთიერთთანამშრომლობის მემორანდუმის გაფორმებაზე. შეხვედრაში მონაწილეოდა ბიზნესადმინისტრირების დოქტორი დავით ობოლაძე.

თანამშრომლობის ფარგლებში განხილულ იქნა ნეიროფსიქომოდულაციის ცენტრის შესაძლებლობების გამოყენება ,,ფედერაციის განვითარების სტრატეგიის (2025-2032)" ისეთი ამოცანების გადაწყვეტაში, როგორციცაა:

• მეცნიერული სელექცია: ნეირო-ტესტირების მეშვეობით იმ მოზარდების გამოვლენა, რომლებსაც აქვთ მშვილდოსნობისთვის საჭირო ბუნებრივი ფსიქო-ფიზიოლოგიური მონაცემები.

• კონცენტრაციის მართვა: სპორტსმენების მომზადება ბიოუკუკავშირის (Biofeedback) მეთოდით, რაც მათ ეხმარება სტრესულ სიტუაციებში ემოციური ფონისა და ფოკუსის მართვაში.

• მონაცემთა ანალიზი:  სპორტსმენების ნეიროფსიქოლოგიური პორტრეტის შექმნა, რაც მწვრთნელებს ინდივიდუალური წვრთნის გეგმის შედგენაში დაეხმარება.

„ჩვენი მიზანია, მშვილდოსნობის განვითარების 7-წლიანი სტრატეგია დაეფუძნოს არა მხოლოდ ფიზიკურ და ტექნიკურ წვრთნას, არამედ ზუსტ მეცნიერებას. ნეიროფსიქომოდულაციის ცენტრთან პარტნიორობა საშუალებას მოგვცემს, ქართველ სპორტსმენებს შევუქმნათ ისეთივე ტექნოლოგიური უპირატესობა, როგორიც მსოფლიოს წამყვან ნაკრებებს აქვთ,“ — აღინიშნა შეხვედრაზე.

მემორანდუმის გაფორმება უახლოეს მომავალში იგეგმება, რაც მშვილდოსნობის ფედერაციის ოფისის მიერ შემუშავებული ინსტიტუციური რეფორმის კიდევ ერთი წარმატებული ნაბიჯი იქნება.