ყაზახეთის ქალაქ შიმკენტში, მიმდინარე წლის 1–5 ოქტომბერს, გაიმართა მშვილდოსნობის ტრადიციული საერთაშორისო ტურნირი — მსოფლიო ჩემპიონისა და რეკორდსმენის, ვადიმ შიკარევის მემორიალი. შეჯიბრებაზე წარმატებით იასპარეზეს აჭარის (საქართველო) ნაკრები გუნდის წევრებმა.

ჩვენმა სპორტსმენებმა მაღალი შედეგები აჩვენეს როგორც საკვალიფიკაციო, ისე ფინალურ ეტაპებზე:

საკვალიფიკაციო ეტაპი:

• ციკო ფუტკარაძე — I ადგილი

• ანრი ბასილაძე — III ადგილი

ფინალური ეტაპი:

• ციკო ფუტკარაძე — ვერცხლის მედალი (II ადგილი)

• შერეული წყვილი (ანრი ბასილაძე და ციკო ფუტკარაძე) — ვერცხლის მედალი (II ადგილი)

ქართულ დელეგაციას ტურნირზე აჭარის რეგიონალური ფედერაციის გენერალური მდივანი და დამსახურებული მწვრთნელი თამაზ ფუტკარაძე ხელმძღვანელობდა.

საქართველოს მშვილდოსნობის ეროვნული ფედერაციის ადმინისტრაცია გულითადად ულოცავს სპორტსმენებსა და მწვრთნელებს ამ მნიშვნელოვან საერთაშორისო წარმატებას! განსაკუთრებულ მადლობას ვუხდით აჭარის რეგიონალურ ფედერაციასა და ბატონ თამაზ ფუტკარაძეს წლების განმავლობაში გაწეული თავდადებული შრომისთვის, პროფესიონალიზმისა და ქართული მშვილდოსნობის განვითარებაში შეტანილი ფასდაუდებელი წვლილისთვის.

შედეგების ნახვა