მიმდინარე წლის 3 ივლისს, თურქეთის რესპუბლიკის დედაქალაქ ანკარაში, ადგილობრივ მშვილდოსნობის ფედერაციაში გაიმართა საქართველოს მშვილდოსნობის ფედერაციის გენერალური მდივნის, მეც. დოქტორ ბესიკ ობოლაძის სამუშაო შეხვედრა თურქეთის ფედერაციის პრეზიდენტთან, აბდულა ტოპალოგლუსთან (Abdullah Topaloglu).

შეხვედრამ კონსტრუქციულ და საქმიან ატმოსფეროში ჩაიარა. თურქულმა მხარემ ქართულ დელეგაციას საკუთარი ხედვა გაუზიარა, ხოლო საქართველოს მშვილდოსნობის ფედერაციის გენერალურმა მდივანმა მასპინძლებს ორგანიზაციის 7-წლიანი სტრატეგიის ძირითადი პრინციპები გააცნო. შეხვედრის დასასრულს, მხარეები შეთანხმდნენ ფედერაციებს შორის მრავალმხრივი ურთიერთანამშრომლობის ასპექტებზე.

აღნიშნულ შეხვედრას ასევე ესწრებოდნენ ESTU¨-ს სპორტულ მეცნიერებათა ფაკულტეტის პროფესორი, დოქტორი ჰაირი ერთანი და საქართველოს მშვილდოსნობის ფედერაციის აღმასრულებელი მენეჯერი, არტემ სანიშვილი.